Nga ky muaj qiratë zvicerane mund të rriten

pixabay

Më 1 mars Autoriteti Federal i Strehimit do të njoftojë nëse dhe me sa do të rritet norma referencë e Zvicrës, përcjell albinfo.ch.

Ky është një lajm i rëndësishëm për qiramarrësit, pasi norma e referencës është një pikë referimi që përdoret për të vendosur edhe norma të tjera interesi.

Ajo luan një rol në përcaktimin e qirave në Zvicër, sepse kur kjo normë po rritet, hipotekat bëhen më të shtrenjta për pronarët, të cilët më pas ia kalojnë koston shtesë qiramarrësve.

Aktualisht norma e referencës është 1.25 për qind dhe aktualisht 54 për qind e kontratave të qirasë në Zvicër bazohen në atë normë, megjithëse ajo luhatet nga një rajon në tjetrin.

Nëse, për shembull, norma e interesit do të rritet me 0,25 pikë përqindjeje dhe marrëveshja juaj e qirasë bazohet në normën e referencës prej 1,25 për qind, qiradhënësi juaj do të jetë në gjendje të paguajë 3 për qind më shumë qira. Dhe, një rritje prej 0.5 pikë përqindjeje do t’i lejonte ata të rrisnin qiratë me 6 për qind.