Lajme
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
Ajo është politikania e parë me prejardhje shqiptare e zgjedhur kryetare e parlamentit komunal në këtë qytet. Është anëtare e Partisë Socialdemokrate (SP)
Numrit të politikanëve të rinj që po marrin poste në nivele të ndryshme të institucioneve zvicerane, i është shtuar edhe një: Rixhil Agushi, aktiviste e SP (Partia Soicialdemokrate) dhe asambliste prej shumë vitesh në Parlamentin e qytetit Schlieren, në Kantonin e Cyrihut.
Rixhil Agushi, politikane e re socialdemokrate me prejardhje shqiptare nga Maqedonia e Veriut, e propozuar nga grupi parlamentar i SP-së, më datë 08.04.2024 është zgjedhur presidente e Parlamentit Komunal në qytetin e Schlierenit, ku gjatë votimit nga gjithsej 33 vota ka arritur të marrë 29 vota.
Gjatë prezantimit të kandidaturës së znj. Rixhil Agushi, kryetari i grupit parlamentar të SP, z. Thierry Lustenberger, ka vlerësuar lartë personalitetin, kontributin dhe përkushtimin e saj në jetën politike dhe shoqërore. Gjithashtu për punën dhe veprimtarinë e saj politike foli edhe presidentja në largim znj. Olivia Boccali nga partia Die Mitte, transmeton albinfo.ch. Ajo në fund, duke i uruar shëndet dhe shumë suksese theksoi se pasuesja e saj si një person me bagazh të madh intelektual shquhet për vendosshmërinë e saj në angazhimet që i merr.
Znj. Agushi, është politikania e parë me prejardhje shqiptare e zgjedhur si kryetare e parlamentit komunal në qytetin e Schlirenit.
Që në fillim të inkuadrimit të saj në politikë është anëtare e Partisë Socialdemokrate (SP). Nga viti 2011 është anëtare e parlamentit komunal në qytetin e Schlirenit, ku ka qenë edhe anëtare në shumë komisione parlamentare, ndërsa gjatë viteve 2020-2021 ka qenë bashkëpresidente e partisë Socialdemokrate (SP) për qytetin e Schlirenit.
Rixhil Agushi është e lindur në vitin 1986 në Tetovë, e martuar me arkitektin e mirënjohur në Zvicër, Muhamed Agushin nga fshati Tearcë, bashkë me të cilin janë sipërmarës të suksesëshëm në fushën e arkitekturës dhe patundshmërive. Është nënë e dy vajzave, Linës dhe Sarës.
Biografi e shkurtë:
- Emri e mbiemriRixhil Agushi
- Prejardhja:Maqedoni e Veriut
- Vendi ku vepron:Schlieren-Zvicër
- Profesioni:Politikane
E-Diaspora
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij U ishte thënë se do të duhej të paguanin 800 franga për të realizuar një termin,...
-
Pianistja shqiptare mban koncert recital në Washington DC
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
Jeta në Austri
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës? Josef Frizl, i cili u dënua me burgim të përjetshëm pas rastit të incestit në Amstetten...
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?