Në Tiranë festohet Dita e Verës

Qytetarët në Tiranë kanë festuar Ditën e Verës edhe pse aktivitetet për këtë ditë  janë  shtyrë për datën 17 mars. Shëtitja me familjarët ka qenë aktiviteti që shumica e qytetarëve kanë zgjedhur të bëjnë në Tiranë.  

Edhe pse Bashkia e Tiranës shtyu festimet e Ditës së Verës për shkak të kushteve atmosferike, qytetarët zgjodhën të festojnë në mënyrën e tyre, përcjell albinfo.ch

Ballokumja është gatimi tradicional që e karakterizon këtë festë. Gjithashtu një detaj i kësaj feste është edhe vendosja në dorë e  byzylykut që në Tiranë i thonë “verores” e që bëhet prej fijesh të bardhë dhe të kuqe që lidhet në kyçin e dorës dhe zgjidhet kur të shihet dallëndyshja e parë. Rreth 50 aktivitete pritet të zhvillohen në kuadër të ditës së verës të dielën e 17 marsit nga Bashkia e Tiranës.