Maqedonia
Në Maqedoni jetojnë mbi 600 persona ‘fantomë’
Në Maqedoninë e Veriut jetojnë mbi 600 persona “fantomë”, apo të paregjistruar në asnjë nga evidencat shtetërore. Personat e paevidentuar nuk kanë të drejtë as të regjistrohen në shkolla, as të gëzojnë sigurim shëndetësor, e aq më pak të punësohen.
Madje shumica prej tyre janë të komunitetit rom. Ministria për Punë dhe Politikë Sociale, së bashku me Ministrinë e Punëve të Brendshme kanë përpiluar tekst ligjor për personat e paidentifikuar, i cili javën e ardhshme do të shpallet në ENER.
Mila Carovska thotë se me këtë ligj personave të paregjistruar deri më tani do t’ u jepet mundësi që të gëzojnë të drejtat e garantuara me ligj, deri në marrjen e shtetësive, shkruan AlsatM, përcjell Albinfo.ch.
“Të gjitha komentet janë të mirëseardhura që të mund të bëjmë opsionin më të mirë që përfundimisht qytetarët të kenë mundësi përfundimisht t’i dërgojnë fëmijët në shkollë, të kenë të drejtë në ndihmat sociale, të mund të shkojnë te doktori dhe në spital, ndërsa më pas, pasi t’i gëzojnë këto të drejta, të mund të shihet se a do të mund me procedurë ligjore të rregullohet edhe shtetësia e tyre si dhe qëndrimi në shtetin tonë, sepse me të vërtetë është për të të ardhur keq që në shekullin 21 të kemi në shtet njerëz që askund nuk janë të evidentuar”, tha Mila Carkovska, ministre për Punë dhe Politikë Sociale.
I pari i MPB-së, Oliver Spasovki, thotë se dikasteri me të cilin ai udhëheq ka rol në identifikimin e personave “fantomë”. Janë detektuar gati 800 persona të tillë dhe po merren masa për një tekst ligjor që do t’u mundësojë regjistrimin e tyre në evidencat e shtetit.
Personat e paregjistruar kanë zënë vend në të gjitha raportet e Avokatit të Popullit, por edhe organizatave të ndryshme, me theks të veçantë për cenimin e së drejtës së qytetarëve, për të gëzuar të drejtat e garantuara me ligj. Kjo çështje, si problem serioz për vendin, është përmendur gjithmonë edhe në raportet e progresit të Komisionit Evropian.
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?