Kosova
Në Kosovë, s’ka universitete private
Në Kosovë veprojnë 30 institucione të arsimit të lartë, prej tyre 9 janë universitete publike, kurse 21 janë kolegje private dhe asnjë universitet privat
Agjencia e Kosovës për Akreditim edhe këtë vit nuk e ka licencuar asnjë nga bartësit privat të arsimit të lartë në universitet, pasi asnjëri kolegj nuk i kanë plotësuar kushtet e akreditimit. Sipas zyrtarëve të AKA-së, në Kosovë veprojnë 30 institucione të arsimit të lartë, prej tyre 9 janë universitete publike, kurse 21 janë kolegje private dhe asnjë universitet privat.
Akreditimi është një procedurë formale dhe transparente e kontrollimit të cilësisë, gjatë së cilës një organ i pavarur vërteton në bazë të standardeve të definuara, ndërkombëtarisht të njohura, nëse institucionet e arsimit të lartë, përkatësisht programet e studimeve i përmbushin kërkesat minimale të cilësisë.
Blerim Rexha është kryetar i Këshillit Shtetëror të Cilësisë, këshill ky që funksion si organ qeverisës i Agjencisë së Kosovës për Akreditim. Ai thotë për REL se akreditimi është proces në vazhdimësi, por deri më tani thotë ai, asnjë kolegj privat i arsimit të lartë, nuk ka arritur që të marrë titullin e universitetit.
“Por, presim që disa nga këto institucione, në vitet në vijim, të përkushtohen dhe të bashkojnë energjitë e tyre dhe të arrijnë kushtet e duhura që ndoshta në një të ardhme të afërt të marrin edhe titullin e universitetit”, tha Rexha.
Ai tregon se cilat kritere të nevojshme për akreditim si universitete private nuk i kanë plotësuar kolegjet që veprojnë në vend.
“Kriteri themelor është që të ketë studime të doktoratës dhe për këto studime, kolegjet së pari duhet të plotësojnë studimet e nivelit master, ku kërkohen komponentë shkencore dhe kreative. Pastaj, kjo komponentë shkencore kreative të thellohet edhe me studime të doktoratës. Këtu çalojnë institucionet e arsimit të lartë privat në Kosovë, e po ashtu edhe disa publike”, thotë Rexha.
Në anën tjetër, ekspertë për çështje të arsimit thonë se cilësia e arsimit vazhdimisht është vlerësuar nën nivelin e duhur dhe për këtë arsye, kolegjet private nuk mund të akreditohen si universitete. Ata madje shprehen se në Kosovë duhet të zvogëlohet numri i kolegjeve private.
Halim Hyseni, nga Qendra për Avancimin e Performancës së Sistemit të Arsimit, thotë se arsimi i lartë në tregun e Kosovës është tërësisht i çrregulluar për shkak të se cilësisë ulët dhe numrit të madh të kolegjeve dhe studentëve të regjistruara në to. Ai vlerësonse qëllimi kryesor i veprimit të kolegjeve private në Kosovë është përfitimi dhe jo arsimi.
“Nuk ka cilësi as në universitetet private dhe as në ato publike. Dhe nevojitet një ndryshim radikal në zhvillimin e politikave në fushën e arsimit, pjesë e së cilës duhet të jetë edhe arsimi i lartë. Trajtimi i ndarjes së arsimit parauniversitar dhe arsimit të lartë ka bërë që të krijohet një gjendje kaotike e cila nuk po lejon që të kemi një vizion në çfarë drejtimi duhet të shkojë zhvillimi i arsimit të Kosovës”, ka thënë Hyseni.
Ndryshe, akreditimi në fushën e arsimit të lartë i ofron shoqërisë dhe të gjitha grupeve të përfshira të interesit, siguri se cilësia e mësimdhënies dhe studimit i përmbushë standardet minimale ndërkombëtare.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?