Integrimi
Në Këln u mbajt konferenca “Dita e Dialogut të Diasporës”
Konferenca është organizuar nga Shoqata Ideal nën patronatin e Konsullatës së Nderit dhe Ambasadave të Kosovës dhe Shqipërisë në Berlin
Më 25 nëntor në Këln të Landit Nordrhein Westfallen, Gjermani është mbajtur konferenca “Dita e Dialogut të diasporës”. Në hapje të konferencës ka marrë pjesë edhe Ministri i Zhvillimit Ekonomik, Valdrin Lluka në cilësinë e panelistit.
Në këtë konferencë kanë marrë pjesë edhe Presidenti i Shqipërisë Iliri Meta, Nënkryetari i Bashkisë së Këlnit Ralf Heinen, Sekretarja e Shtetit gjerman Serep Guler, kryebashkiakë nga Shqipëria, Ambasadorët e Shqipërisë dhe Kosovës, Konsullja e Nderit Anduena Stephan dhe shumë përfaqësues nga diaspora shqiptare në Gjermani dhe më gjerë, shrkuan rtklive.com.
Konferenca është organizuar nga Shoqata Ideal të cilën e kryeson konsullja e nderit e Shqipërisë në Nordrhein Westfallen, Anduena Stephan, nën patronatin e Konsullatës së Nderit dhe Ambasadave të Kosovës dhe Shqipërisë në Berlin.
Me këtë rast Ministri Lluka së bashku me përfaqësues tjerë të institucioneve nga Kosova dhe Shqipëria kanë bashkëbiseduar me të pranishmit lidhur me rolin e diasporës shqiptare në zhvillimin e vendeve të origjinës, e veçanërisht rolin e tyre në zhvillimin ekonomik dhe përmirësimin e kushteve për të orientuar investimet e tyre në Kosovë dhe Shqipëri.
Në kuadër të kësaj vizite, Ministri Lluka është pritur edhe nga Kryeministri i Landit Nordrhein westfalisë – Armin Laschet, ku prezent ishin edhe Ministri i Financave të Landit dhe kryetari i Dyseldorfit.
Gjithashtu, Lluka u takua me afaristin e mirënjohur Lazim Destani me të cilin biseduan për mundësitë investimeve në vend.
Të tjera nga Integrimi
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?