Lajme
Në Gjermani mund të ketë ndryshim të madh në komunikacion nga vera
Ministri Federal gjerman i Transportit, Volker Wissing ka paralajmëruar se duke filluar nga kjo verë, mund të ketë ndalim të qarkullimit për të gjitha automjetet gjatë fundjavave, në të gjithë vendin, nëse Ligji për Mbrojtjen e Klimës nuk hyn në fuqi më së voni deri në mes të korrikut, përcjell albinfo.ch.
Në një letër për grupet parlamentare të qeverisë gjermane, Wissing bëri thirrje për miratimin urgjent të këtij ligji në Bundestag, shkruan Mirror.
Ligji parashikon që përputhshmëria me qëllimet klimatike në të ardhmen do të kontrollohet për secilën zonë veç e veç.
“Ligji është në procedurë që nga 22 shtatori 2023 dhe fakti që ende nuk është në fuqi krijon pasiguri të konsiderueshme ligjore dhe faktike, e cila nuk i shërben as klimës dhe as reputacionit të qeverisë federale”, ka thënë Wissing.
Nëse ligji nuk hyn në fuqi deri më 15 korrik, Ministria Federale e Digjitalizimit dhe Transportit është e detyruar të paraqesë programin që siguron nivel vjetore të emetimeve në përputhje me qëllimet klimatike nga sektori i transportit. Kjo do të thotë se në fundjavë nuk do të kishte automjete në rrugë.
Sipas Aktit për Mbrojtjen e Klimës, Gjermania duhet të reduktojë emetimet me 65 për qind deri në vitin 2030 në krahasim me nivelet e vitit 1990.
Në veçanti, sektori i transportit nuk i ka përmbushur objektivat e përcaktuara.
Ministri Wissing ka thënë se ndalimi i automjeteve gjatë fundjavave do të kishte ndikim në zinxhirin e furnizimi dhe në turizëm.
“Do të ishte e vështirë t’u thuash njerëzve se mund ta përdorin veturën vetëm pesë ditë në javë, edhe pse ne përgjithësisht arrijmë qëllimet e mbrojtjes së klimës”, ka thënë ai.
Gjermania e kishte ndaluar qarkullimin e automjeteve gjatë të dielave në vitin 1973.
Kriza e naftës e vitit 1973 ishte një nga goditjet më të mëdha që përjetoi Gjermania. Zgjati vetëm një muaj.
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja