Koronavirusi: çast pas çasti
Në fund të javës BE do të vendosë për hapjen e kufijve me Kosovën, Shqipërinë dhe Maqedoninë
Në kuadër të hapjes së kujdesshme të kufijve, Bashkimi Evropian po shqyrton një listë me shtete qytetarët e të cilave do të lejohen të udhëtojnë drejt BE.
Një listë e siguruar nga Euronews Albania tregon se Shqipëria, Maqedonia e Veriut dhe Kosova nuk figurojnë në grupin e vendeve për të cilat diskutohet hapja e kufijve të BE nga 1 korriku
Megjithatë, Euronews Albania ka mësuar se vendet anëtare po diskutojnë lidhur me partnerët e Ballkanit Perëndimor dhe se do të marrin vendim nga fundi i javës.
Bazuar në klasifikimin e rrezikshmërisë, edhe vendet e tjera të Ballkanit që figurojnë në listë si Serbia, Mali i Zi dhe Bosnje-Hercegovina kanë pak shanse për udhëtim drejt BE.
Java e tretë e qershorit në Ballkanin Perëndimor regjistroi rreth 70 viktima e mbi 3,000 të infektuar të tjerë duke e rënduar më tej bilancin rajonal në 877 të vdekur nga mbi 28 mijë raste me COVID-19.
Vala e re e infeksionit, e përshkallëzuar javën e dytë të këtij muaji, vazhdon të ketë prirje shqetësuese, sidomos në Maqedoni të Veriut, Kosovë, Bosnje e Hercegovinë dhe Shqipëri.
Maqedonia e Veriut mbetet vendi që po vuan më shumë. Atje këtë javë pati mbi 900 raste të reja dhe 46 viktima, ndërkohë që vlen të theksohet se mbi 40 raste të reja u pikasën edhe në Mal të Zi, vend i cili në fillim të muajit pati deklaruar daljen nga pandemia.
Këshilli i BE-së ka zhvilluar disa takime të niveleve të ndryshme, së fundmi në atë të ambasadorëve, por pa arritur ende në një vendim për një listë të gjelbër vendesh ndaj të cilave kufijtë e BE-së pritet të hapen duke nisur nga 1 korriku.
Kriteret bazë për këtë, sipas rekomandimit të Komisionit të 11 qershorit, duhet të jetë një situatë e ngjashme apo më e mirë epidemiologjike se në vendet anëtare të BE-së, aftësia për mbrojtjen e shëndetin gjatë udhëtimit, dhe reciprociteti në hapjen e kufijve.
Të ngjashme
Të tjera nga Koronavirusi: çast pas çasti
E-Diaspora
-
Kam pak kohë që jetoj në Zvicër, si mundem të aftësohem/shkollohem në Lausanne? Në kuadër të projekteve të shoqatës “Plurielles”, e cila si qëllim ka informimin dhe sensibilizimin e...
-
“Dardania” nga Winterthuri shkëlqen në festivalin “Hasi Jehon 2024”
-
Kaq mërgimtarë u regjistruan deri më 9 maj
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
Jeta në Austri
-
Çfarë lejohet të bëjnë fëmijët vetëm sipas ligjit austriak? Vera po vjen, shkollat po mbyllen dhe shumë prindër do të pyesin veten se si do...
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit
-
Ambasada e Kosovës në Austri u bën thirrje mërgimtarëve që të regjistrohen