Ndodh edhe kjo në Botëror: Futbollistit iranian i skadon viza pas ndeshjes së parë

Futbollisti i kombëtares iraniane, Mehdi Torabi, është përballur me një pengesë administrative pasi viza e tij për në SHBA ka humbur vlefshmërinë pas ndeshjes së parë të Iranit në Kupën e Botës 2026.

Sipas Federatës së Futbollit të Iranit, shumica e vizave të pajisura për lojtarët dhe stafin e ekipit kombëtar ishin me hyrje të shumëfishta, ndërsa dokumenti i Torabit ishte lëshuar vetëm për një hyrje.

Mesfushori udhëtoi me skuadrën drejt Los Anxhelesit për sfidën hapëse ndaj Zelandës së Re, e cila përfundoi me rezultatin 2-2. Pas largimit nga territori amerikan, viza e tij skadoi, duke e penguar të rikthehet menjëherë pranë ekipit.

Autoritetet sportive iraniane kanë nisur procedurat për pajisjen e lojtarit me një vizë të re, në mënyrë që ai të mund të bashkohet me kombëtaren për ndeshjet e ardhshme të turneut. Deri tani nuk është bërë e ditur se sa kohë do të zgjasë procesi i miratimit.