Feja
Myslimanët shqiptarë dhe boshnjakë, më të moderuarit
63 për qind të egjiptianëve dhe të pakistanezëve e arsyetojnë dënimin me vdekje për braktisje të fesë, ndërsa në Shqipëri vetëm 1 për qind
Instituti amerikan për hulumtimin e opinionit publik “Pew” prej vitesh realizon sondazhe reprezentative në vendet me kulturë myslimane. Dhe këto sondazhe tregojnë se sa shumë dallime ka në mesin e këtyre vendeve. Kështu, pyetjes se a ka të drejtë femra të vendosë vetë për bartjen ose mosbartjen e shamisë, 87 për qind e meshkujve myslimanë të Kosovës dhe të Tunizisë i kanë dhënë përgjigje pozitive.
Por myslimanët nga Egjipti Irani dhe Afganistani mendojnë ndryshe. Atje vetëm 38 deri në 40 për qind të meshkujve ua njohin femrave të drejtën për të vendosur vetë.
Dallimet edhe më të mëdha janë te çështjet si poligamia, vrasjet e nderit, mbytja me gurë për tradhti bashkëshortore etj.
85 për qind të myslimanëve boshnjakë dhe 76 për qind të atyre tunizianë e konsiderojnë poligaminë të pamoralshme. Por në Jordani, të tillë e konsiderojnë vetëm 5 për qind ndërsa në Egjipt, gjashtë për qind.
“Vrasjet e nderit” i hedhin poshtë pa përjashtim 83 për qind të myslimanëve të Kazakistanit dhe të Indonezisë, por vetëm 24% të atyre të Afganistanit.
60 për qind të meshkujve myslimanë të Egjiptit janë shprehur në favor të mbytjes me gurë si dënim për tradhti bashkëshortore. Ndërkohë që te myslimanët turq kjo përqindje është vetëm 3 për qind.
Dallimet në botën myslimane janë mjaft të mëdha edhe sa i përket dënimit për myslimanët që braktisin fenë e tyre. 63 për qind të egjiptianëve dhe të pakistanezëve e arsyetojnë dënimin me vdekje për një veprim të tillë, shkruan diepresse.at. Në të njëjtën kohë në Shqipëri dhe në Kazakistan janë vetëm 1 për qind ata që mendojnë se ky dënim është i arsyeshëm.
E-Diaspora
-
Kroaci: Ermina Lekaj Prljaskaj nuk siguroi votat e duhura për deputete Shqiptarët mbeten pa deputet në Kroaci...
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Arrestohen këngëtarët shqiptarë në një “Bajram party”, në Zvicër
-
Shtetasja zvicerane arrestohet në Viti për shkak të kërcënimeve
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri