MPJD-ja për bllokimin e mërgimtarëve në Kroaci: U shkaktua për shkak të sistemit EES

Foto nga arkiva

Ministria e Punëve të Jashtme dhe Diasporës në Kosovë ka njoftuar se pritjet e ditës së djeshme në pikën kufitare Bajakovo, ndërmjet Kroacisë dhe Serbisë, janë shkaktuar nga sistemi i Hyrje-Daljes (Entry/Exit Sysstem – EES).

Megjithatë, sot edhe njëherë është konfirmuar se situata tashmë është stabilizuar dhe qarkullimi po zhvillohet pa vonesa të gjata, transmeton albinfo.ch.

Dje kjo ministri njoftoi se përmes Ambasadës së Republikës së Kosovës në Kroaci ka qenë në komunikim të vazhdueshëm me autoritetet kompetente kufitare, të cilat kanë konfirmuar se ngadalësimi i përkohshëm i qarkullimit ishte shkaktuar kryesisht nga zbatimi i Sistemit të Hyrje-Daljes (Entry/Exit System – EES), i cili ka sjellë procedura shtesë të kontrollit kufitar.