Mijëra banesa sociale në Cyrih të zëna nga qiramarrës që nuk i plotësojnë kushtet

Analiza zbulon se rreth 1.400 banesa komunale janë të banuara nga persona me të ardhura mbi kufirin e lejuar, por ligji nuk lejon largimin e tyre.

Një analizë e banesave në pronësi të qytetit të Cyrihut ka zbuluar se rreth 1.400 nga 7.700 banesat komunale, të destinuara për familjet me të ardhura të ulëta dhe të mesme, janë të zëna nga qiramarrës që fitojnë më shumë sesa lejojnë kriteret për të përfituar nga këto banesa, transmeton albinfo.ch.

Megjithatë, autoritetet nuk mund t’i detyrojnë këta banorë të largohen, në mënyrë që banesat t’u lirohen familjeve që kanë më shumë nevojë, transmeton albinfo.ch.

Arsyeja lidhet me rregulloret lokale, të cilat parashikojnë se qyteti mund të ndërhyjë vetëm nëse më shumë se 15 për qind e banesave komunale janë të zëna nga persona me të ardhura mbi kufirin e lejuar.

Në rastin konkret, vetëm 3,4 për qind e qiramarrësve rezultojnë të jenë jashtë kritereve të përcaktuara, çka nuk mjafton për të ndërmarrë masa ligjore ndaj tyre./Albinfo.ch

---