Mërgimtarët kosovarë, të parët sa u përket fluturimeve nga aeroporti i Bazelit

Aeroporti i Bazelit rendit Prishtinën si vendi ku kreu më së shumti fluturime.

Aeroporti i Bazelit është një aeroport mbase unik në botë: ai administrohet nga Franca dhe Zvicra, shkruan albinfo.ch.

Nga Aeroporti i Bazelit fluturohet në tridhjetë e dy vende, me afro nëntë milionë pasagjerë mesatarisht në vit.

Në dhjetor të vitit 2021 ky aeroport shënoi 4447 fluturime.

Destinacioni më i madh i fluturimeve që u zhvilluan nga ky aeroport, ashtu sikurse edhe për nga numri i pasagjerëve, ishtePrishtina, (Aeroporti i Prishtinës “Adem Jashari”).

Prishtina është lider i qartë me 418 000 pasagjerë, i ndjekur nga Stambolli me 234 400 dhe Palma de Mallorca me 148 700 pasagjerë.

Ndërsa, në tërësi për nga numri i fluturimeve ishin nga Spanja në disa aeroporte, e ndjekur nga aeroporti i Prishtinës, pastaj, Turqia, Italia dhe Franca ishin në krye të fluturimeve të tyre, shkruan tutje albinfo.ch.

---