Me nderime të larta varroset legjenda Vokrri

Me një ceremoni e nderime të larta shtetërore është varrosur sot trupi i pajetë i Kryetarit të Federatës së Futbollit të Kosovës, Fadil Vokrri.

Fadil Vokrri ndërroi jetë në mëngjesin e së shtunës që e lëmë pas, si pasojë e një sulmi në zemër, ndërsa u përcoll sot për në banesën e fundit në varrezat e lagjes Arbëria në Prishtinë, përcjell albinfo.ch.

Në ceremoninë e varrimit të tij, u panë të pranishëm krerë të lartë shtetëror e mijëra qytetarë të tjerë përfshirë këtu edhe drejtues të klubeve në të cilën Fadil Vokrri kishte nisur karrierën e tij prej një futbollisti.