Lajme
Me ligjin e ri, pagesa për kompensimin ushtarak, deri në moshën 37-vjeçare
Të rinjtë e posa natyralizuar duhet të paguajnë këtë kompensim deri në moshën 37 vjeçare. Me ligjin e vjetër ky detyrim ka qenë vetëm për moshën deri 30 vjeçare
Në vitin 2017, 248.000 zviceranë të moshës së re, që “i kap” detyrimi ushtarak, kanë paguar gjithsej 174 milionë franga në emër të kompensimit të shërbimit ushtarak. Fjala është për ata që për shkaqe të ndryshme nuk kanë mundësi të shërbejnë në ushtri.
Por, duke filluar nga viti 2019, edhe “secondot”, që e kanë fituar rishtas pasaportën zvicerane, duhet të paguajnë për këtë destinim, shkruan 20minuten.ch.
Në bazë të ndryshimit të ligjit, ata duhet të paguajnë këtë kompensim që është 3 për qind nga të ardhurat vjetore, deri në moshën 37-vjeçare, transmeton albinfo.ch. Me ligjin e vjetër ky detyrim ka qenë vetëm për moshën deri 30-vjeçare.
Shumë të rinj që janë natyralizuar së fundi, ankohen duke e quajtur të padrejtë këtë detyrim. Ata thonë se qëllimisht e kanë shtyrë natyralizimin deri në moshën 30-vjeçare për të shmangur detyrimin për pagesën në fjalë. Por tani që e kanë marrë pasaportën zvicerane, del se pagesa duhet bërë deri në moshën 37-vjeçare, përcjell albinfo.ch. Kështu, shumë prej tyre, të pyetur nga gazeta në fjalë kritikojnë autoritetet shtetërore se nuk i kanë informuar me kohë për këtë “grackë”.
Por sa është çmimi efektiv që duhet të paguajë një secondo nëse do të bëjë natyralizimin?
Administrata tatimore e federatës bën të ditur me statistikat e saj se rreth 66% të të gjithë personave që i nënshtrohen detyrimit për kompensim me para të shërbimit ushtarak, kanë të ardhura të tatueshme prej më pak se 40.000 mijë frangash.
Ndërsa po sipas këtyre statistikave, të ardhurat e 91% të tyre janë më të ulëta se 60.000 franga në vit, transmeton albinfo.ch. Vetëm 0.5% të të gjithë personave të kësaj kategorie kanë të ardhura më të larta se 100 mijë franga.
Sipas kësaj statistike, 37% të të gjithë personave me detyrim ushtarak, në emër të kompensimit në fjalë do të paguanin së paku 400 franga në vit. Ndërsa mesatarja e pagesës në vitin 2018 ka qenë 708 franga.
Të ngjashme
Të tjera nga Lajme
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri