Mbrojtja e Selimit, me mocion kundër dëshmisë së dëshmitares së parë

Keystone EPA/Koen van Weel / POOL

Gjykata Speciale ka pranuar mocionin e e mbrojtjes së Rexhep Selimit për mospranimin si provë të një pjese të dëshmisë së dëshmitares së parë në çështjen ndaj ish-krerëve të Ushtrisë Çlirimtare të Kosovës, përcjell albinfo.ch.

Sipas gjykatësit Charles Smith III, pranueshmëria e kësaj prove do të mund të shkaktojë cenim të padrejtë të të akuzuarve.

Sa i takon dëshmisë së dëshmitarit, ai tha se duhet redaktuar referencat lidhur me këto sulme nga çdo material që synojnë të paraqesin si prova. I njëjti ka thënë se nuk lejohet ZPS-ja të bëjë pyetje për incidentet e përshkruara në paragrafin 3, 16 dhe 23 të materialit. ‘‘Trupi gjykues rikujton që pala që dorëzon prova duhet të demonstrojë se faktet që kërkon të vërtetojë janë përkatëse për çështjen’’, tha tutje gjykatësi Smith, shkruan Betimi për Drejtësi.

Seanca është e mbyllur për publikun dhe dëshmitari po merret në pyetje nga mbrojtja e Jakup Krasniqit, përcjell albinfo.ch.