Maqedonia
Mbi 361 milionë euro shkojnë çdo vit në Maqedoni të Veriut nga mërgimtarët
Të hyrat nga remitencat përmirësojnë mirëqenien ekonomike të Maqedonisë
Mbi 361 milionë euro hyjnë çdo vit në Maqedoni të Veriut nga mërgimtarët, përcjell albinfo.ch.
Remitencat në Maqedoni, sipas një përllogaritje të Eurostat, kapin vlerën e 3.4 për qind të Prodhimit të Brendshëm Bruto, edhe pse shifra reale thuhet se është më e lartë, pasi shumica e remitencave transferohen përmes kanaleve të parregulluara.
“Vlerësimet tona të bazuara në metodologjinë e harmonizuar me Fondin Monetar Ndërkombëtar tregojnë se shuma e këtyre dërgesave, që nga viti 2009 e këndej tejkalon një miliard euro apo është afër 16 për qind e Prodhimit të Brendshëm Bruto”, thonë nga Banka Popullore e Maqedonisë së Veriut.
Profesori universitar, Hamit Aliu, vlerëson se ndikimi i remitencave në ekonominë e përgjithshme të vendit është në nivel shumë dominant.
Ato, sipas Aliut, ndikojnë në përmirësimin e gjendjes ekonomike dhe në reduktimin e varfërisë.
“Mbi 45% deri më 50%, remitencat përmirësojnë mirëqenien ekonomike në Maqedoni. Me këtë ekonomi, me këtë nivel të zhvillimit dhe me këtë letargji që nuk ka interesim për zhvillim ekonomik për këto 30 vjet, mos të kishin qenë remitencat, çdo i treti do të kishin problem për kafshatën e bukës. Vetëm punëtorët e vendit tonë në diasporë kanë ndikuar shumë në aspekt pozitiv edhe në mirëqenien e popullatës, por edhe në aspekt të të ardhurave të shtetit”, u shpreh profesori universitar, Hamit Aliu.
Ndërkohë sa u përket shifrave në rajon, të ardhura më të mëdha nga remitencat ka Serbia me mbi 7 milionë banorë, me 3.3 miliardë euro, pason Bosnjë e Hercegovina me 1.6 miliardë euro, Shqipëria me afër 1.3 miliardë euro, Kosova me 1.2 miliardë euro. E shprehur si përqindje e PBB-së, në Kosovë janë dërguar 18.5 për qind, në Mal të Zi 12.5 për qind, në Shqipëri janë dërguar 9.8 për qind, në Bosnjë e Hercegovinë 9.3 për qind dhe në Serbi janë dërguar 7.2 për qind.
Të tjera nga Maqedonia
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
Arrestohen këngëtarët shqiptarë në një “Bajram party”, në Zvicër
-
Shtetasja zvicerane arrestohet në Viti për shkak të kërcënimeve
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri