Lajme
Mbi 36 gradë në Zvicër, ndërsa në Francë matet temperatura 40.1 gradë
Të premten, Ticino pati temperaturën më të lartë të matur ndonjëherë në qershor: 36.6 gradë në Biasca
Temperaturat në Zvicër janë në rritje. Në fundjavë temperaturat është paraparë të arrijnë deri në 37 gradë, shkruan srf.ch duke iu referuar Meteo News.
Tashmë në Francë është thyer kufiri i 40 gradëve celsius, transmeton albinfo.ch. Përkatësisht në jugperëndim të vendit fqinj me Zvicrën, në fshatin Bustince-Iriberry. Aty janë matur 40.1 gradë, siç shkruan MeteoNews.
Vendi më i nxehtë aktualisht në Zvicër është Sioni (Kantoni Valis), i ndjekur nga Bazeli. Aty maten vlerat maksimale prej 36 gradësh. Të premten Ticino pati temperaturën më të lartë të matur ndonjëherë në qershor: 36.6 gradë në Biasca
MeteoNews kishte paralajmëruar se të shtunën do të mbretërojnë temperaturat më të nxehta në rajonin e Bazelit dhe përgjatë lumit Aare. “Në zonat me ngjyrë vjollce të çelur temperaturat arrijnë nga 35 deri në 36 gradë”, vijojnë të shkruajnë ekspertët.
Të dielën në mëngjes moti do të jetë me shumë diell. Pasdite, retë individuale kumulus pritet të formohen në drejtim të Para-Alpeve, dhe në mbrëmje, stuhia mund të arrijë në Mittelland nga Alpet, përcjell albinfo.ch Ajo mund të jetë e fuqishme, por vetëm në nivel lokal. Në mëngjes temperatura do të jetë 16 deri në 21 gradë.
Pasdite temperaturat do të jenë sërish 32 deri në 36 gradë. Sidomos në drejtim të jugperëndimit do të fryjë erë freskuese, herë pas here e fortë.
Të ngjashme
Të tjera nga Lajme
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë