Lajme

Mbi 200 milionerë bëjnë thirrje për taksa më të larta

Në një letër drejtuar liderëve botëror që marrin pjesë në Forumin Ekonomik në Davos, mbi 200 milionerë u kanë bërë thirrje për taksa më të lartë për individët ultra të pasur për “të mirën tonë të përbashkët.

Letra, e publikuar sot në faqen e internetit ‘costofextremewealth.com’, është nënshkruar nga milionerë të 13 vendeve të ndryshme.
Sipas autorëve, letra është një apel për liderët botëror që të vendosin taksa më të larta për super të pasurit.

“Ju, përfaqësuesit tanë në botë, duhet të na taksoni neve ultra të pasurve dhe duhet të filloni tani. Është një investim në të mirën tonë të përbashkët dhe një të ardhme më të mirë që ne të gjithë e meritojmë dhe si milionerë ne duam ta bëjmë atë investim”, thanë ata.
Ndër nënshkruesit e letrës janë aktori amerikan Mark Ruffalo dhe producentja amerikane Abigail Disney, stërmbesa e Walt Disney-t.
Milionerët edhe në vitin 2022 iu drejtuan në një mënyrë të ngjashme krerëve të shteteve dhe qeverive në Davos.
Sipas organizatës joqeveritare ‘Oxfam’, më të pasurit në botë në dekadën e fundit kanë rritur pasurinë e tyre me 50 për qind.