Tematike
Mbi 100 shkencëtarë të rinj zviceranë nderohen për punën e tyre
Më shumë se 100 shkencëtarë zviceranë të rinj janë nderuar për punën e tyre gjatë ngjarjes treditore në verilindje të Zvicrës, shkruan swissinfo, përcjell në shqip albinfo.ch.
Shkencëtarët ishin pjesë e edicionit të 53-të të një gare kombëtare të shkencës, të organizuar nga fondacioni “Swiss Youth in Science”.
44 shkencëtarët kryesorë konkurruan për 23 çmime të veçanta, ku përfshihej një vizitë në Kampin Europian Hapësinor në Norvegji, punë praktike në njërën nga ambasadat e Zvicrës apo pjesëmarrje në garat ndërkombëtare të projektit në Europë, Azi ose SHBA.
Një juri e përbërë prej ekspertësh, 21 shkencëtarë i vlerësoi si “të mirë”, 53 si “shumë të mirë” dhe 35 të tjerë si “të shkëlqyeshëm”. Fituesve iu ndanë çmime në të holla, që kapin vlerën rreth 85 mijë franga, përcjell albinfo.ch.
Sipas organizatorëve, për herë të parë në histori, në fazat finale arritën më shumë vajza se sa djem.
“Këtë vit pamë shumë projekte që trajtojnë problemet dhe pyetjet që ndeshen me shoqërinë tonë”, ka thënë Jeremie Aebischer, menaxher i projektit të kësaj gare.
Fondacioni “Swiss Youth in Science” (Rinia zvicerane në shkencë) është themeluar në vitin 1970 nga biologu, zoologu dhe antropologu Adolf Portmann. Ky fondacion, që përkrahet nga qeveria zvicerane dhe disa kompani të mëdha, siguron mbështetje për shkencëtarët e rinj zviceranë, duke iu mundësuar t’i ndjekin projektet e tyre kërkimore.
Të ngjashme
Të tjera nga Tematike
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë