Lajme
Mbahet takimi i Kolegjit të kirurgëve të Kësovës me kirurgët nga mërgata
Më 23 mars, në Wirtschaftsclub Dusseldorf, Kolegji i Kirurgëve të Kosovës mbajti takimin nismëtar për themelimin e degëve të saj në Evropë, ku kishim kënaqësinë e veçantë të shohim një përfaqësim të jashtëzakonshëm të kirurgëve nga mërgata shqiptare, përcjell albinfo.ch.
Takimin e udhëhoqi kyetari i KKK, Prof. Dr. Rifat Latifi, i cili gjatë prezantimit për 5 vjetët e para të Kolegjit dhe planit për 5 vjetët e ardhshme, theksoi se vetëm së bashku mund t’i arrijmë qëllimet tona për përmirësimin dhe avancimin e kirurgjisë shqiptare.
Takimi u moderua nga paneli i përbërë prej:
Prof. Dr. Rifat Latifi – Kryetar i KKK,
Dr. Osman Zhuri – Nënkryetar Pasues i KKK,
Dr. Ilir Hasani – Nënkryetar i KKK për Maqedoninë e Veriut, dhe
Dr. Valon Baraliu – Nënkryetar i KKK për Gjermani.
Ndërsa si të ftuar të veçantë, këtë takim e nderuan duke mbajtur fjalë përshëndetëse:
Z. Lazim Destani, Themelues i ‘Ecolog’ (njëherësh edhe nikoqir)
Prof. Dr. Ilir Demiri, Ministër i Shëndetësisë i Maqedonisë së Veriut
Znj. Mirsada Voca, Konsulle e Republikës së Kosovës në Dusseldorf, dhe
Prof. Dr. med. Gisbert Knichwitz, Anëtar i Bordit të Odës së Mjekëve të Gjermanisë, Akademia e EVM
Një nga rezultatet kryesore të takimit ishte krijimi i ekipit që do të përgatisë koncept-propozimin gjithëpërfshirës se si do të duket organizimi i Kolegjit të Kirurgëve të Kosovës në Evropë, ndërsa ekipi u caktua me përbërje:
Dr. Agron Sadiku (Kryesues)
Anëtarë:
Dr. Nobel Thaqi, Dr. Halil Krasniqi, Dr. Rilind Zenelaj, Dr. Sabrie Kastrati Lumi, Dr. Xhevat Lumi, Dr. Arian Mullaj, dhe Dr. Fatlum Aziri.
E tërë ngjarja u përshkua nga entuziazmi dhe fryma vëllazërore, me vendosmërinë e të gjithëve për të kapërcyer çdo sfidë drejt arritjes së qëllimeve, dhe duke shfrytëzuar mundësitë e diplomacisë mjekësore përmes bashkëpunimit që kirurgët shqiptarë kanë me kolegët dhe organizatatat/institucionet përkatëse në vendet prej nga vijnë.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë