Muzikë
Mbahet koncerti i Visar Kuqi Trio me projektin e dytë “Departures” në Bernë
Me shfaqjen e top filmave kosovarë të viteve të fundit siç janë “Martesa”, “Vera ëndërron detin” apo edhe “Zgjoi”, filma këta fitues të shumë festivaleve me renome botërore, Kino Kosova mbylli edhe një edicion të suksesshëm të këtij Festivali.
Pos shfaqjeve edhe disa filmave të shkurtër, risi e këtij edicioni ishte po ashtu edhe leximet nga shkrimtarja Meral Kureyshi si dhe shkrimtari Shpëtim Selmani, shkruan albinfo.ch
Duke ndjekur tashmë traditën, e për ti dhënë ende më shumë shkëlqim këtij organizimi, në natën e fundit të tij, u mbajt edhe Koncerti i Visar Kuqi Trio, i përbërë nga Visar Kuqi, Enver Muhamedi dhe Enes Bajramliqi.
Pas sukseseve me albumin e parë, me projektin e dytë të titulluar “Departures”, Visar Kuqi Trio vazhdojnë udhëtimin e tyre muzikor me një album gati se meditativ dhe një Jazz modern minimalist.
Me vetëm 8 krijime të komponuara nga Visar Kuqi dhe anëtarët e tjerë të Trios, të ndikuar na shumë zhanre muzikore e kompozitorë të shquar, mund të thuhet se Visar Kuqi Trio ka krijuar tashmë identitetin e vet muzikor.
Kjo vërehet veçmas tek këngët „Archaic dhe „Departures, ku duke përdorur ritme të çrregullta të ndikuar nga materialet muzikore nga Ballkani, komponimi i tyre është bërë në një mënyrë shumë indirekte dhe delikate.
I lansuar në fund të 2020 “ Departures” që nisi si dedikim për nisjet e reja, gjeti një kontekst të ri në situatën e krijuar para dy viteve për shkak të pandemisë. Kur gjithçka u ndal, muzika u kthye në një ekspeditë, për të kërkuar forma të reja të udhëtimit.
I zhvilluar në një ambient thuajse ishte ndërtuar enkas për ta, koncerti në fjalë, edhe pse u mbajt në mbrëmjen e së dieles, ishte stërmbushur.
E për ti dhënë edhe më shumë „zjarr“ kësaj mbrëmje, ishte padyshim jazz këngëtarja shqiptare Elina Duni. Si një befasi për publikun, ajo së bashku me Rob Luft dhe Trion, bënë që atmosfera të arrinte kulminacionin.
Visar Kuçi trio u formua ne vitin 2013. Ata morën pjesë në shumë evente të ndryshme dhe në Festivale si Prishtina Jazz Fest në Prishtinë, Mirëdita/Dobardan në Beograd. Repertori i tyre përfshinë komponime prej Jazz-it klasik deri tek ai eksperimental dhe natyrisht komponimet e tyre origjinale. Deri më tash kanë lansuar për publikun dy albume: Modern Waves në vitin 2017 si dhe Departures në vitin 2020.
Të tjera nga Muzikë
E-Diaspora
-
Iu gjet drogë në shtëpi, arrestohet shqiptari në këtë shtet Raportohet se një 48-vjeçar shqiptar është arrestuar nga policia italiane për drogë, përcjell albinfo.ch. Sipas mediave...
-
Në aeroportin e Bazelit anulohet fluturimi për në Prishtinë, mërgimtarët ankohen
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
-
Olti Hyseni, 16-vjeçari shqiptar që po mahnit Danimarkën
Jeta në Austri
-
Përmbledhje e lajmeve më të fundit nga Austria Ministria e Integrimit do të përcaktojë ‘kulturën austriake’, grevë në Austrian Airlines dhe më shumë lajme...
-
Anulohen fluturimet Vjenë-Shkup dhe anasjelltas
-
Ministrja austriake e Drejtësisë: Austria do ta mbështesë Kosovën për anëtarësim në Këshillin e Evropës
-
Austri: Priten deri në 400 anulime të fluturimeve për shkak të grevës
-
Sllovenia pret rritjen e numrit të sirianëve për në Austri e Gjermani