Maqedonia
Maqedonia do të marrë taksa për remitencat e diasporës
Njohësit e çështjeve ekonomike thonë se përmes ndryshimeve ligjore synohet që qytetarët të detyrohen të paguajnë tatim personal për mjetet që i kanë marrë nga të afërmit e tyre që gjenden jashtë vendit
Në bazë të ndryshimeve që parashihen në Ligjin për bankat, Drejtoria e të Ardhurave Publike në Maqedoni (DAP) do të ketë mundësi që në mënyrë elektronike të marrë të gjitha të dhënat e qytetarëve nga bankat, përkatësisht DAP-i, dhe në çdo kohë do të ketë qasje të lirë në transaksionet dhe depozitat e qytetarëve.
Në sqarimin e ligjit, i cili është në përgatitje e sipër, theksohet se “këto ndryshimet bëhen që të lehtësohet puna e DAP-it në përgatitjen e raporteve vjetore për tatime”.
Por, njohësit e çështjeve ekonomike thonë se përmes ndryshimeve ligjore synohet që qytetarët të detyrohen të paguajnë tatim personal për mjetet që i kanë marrë nga të afërmit e tyre që gjenden jashtë vendit.
Goran Rafajllovski, konsulent për çështje ekonomike, për Radion Evropa e Lirë thotë se është një numër i konsiderueshëm i qytetarëve të cilët punojnë për kompani të jashtme, duke u ofruar shërbime të ndryshme po nga Maqedonia, dhe këto mjete ata nuk i paraqesin në Drejtorinë e të Ardhurave Publike, përcjell albinfo.ch.
Nga ana tjetër, ish-guvernatori i Bankës Popullore të Maqedonisë, Lube Tërpeski, për Radion Evropa e Lirë vlerëson se me ndryshimet e propozuara nga Ministria e Financave, bëhet ndërhyrje e drejtpërdrejtë në fshehtësinë dhe mbrojtjen e të dhënave personale të qytetarëve dhe me këtë, shton Tërpeski, humbet kuptimi i termit juridik ‘sekret bankar’.
Tërpeski thotë se në këtë formë, siç është propozuar ligji, do të ndikojë në uljen e rezervave devizore sepse siç thotë, do t’i detyrojë të gjithë mërgimtarët të cilët dërgojnë para shtesë për familjarët e tyre në Maqedoni, që këtë ta bëjnë me para të gatshme, për t`iu shmangur transferove bankare sepse në këtë mënyrë, të gjithë ata që marrin mjete nga jashtë do të duhet të paguajnë tatim.
Ai shton se tani qytetarët do të kërkojnë mënyra alternative për t’u dërguar para të afërmeve të tyre, duke shmangur transferet bankare.
Por, ndryshe nga Tërpeski, eksperti i ekonomisë, Alaudin Zeqiri, për Radion Evropa e Lirë konsideron se ndryshimet ligjore do të kontribuojnë në disiplinën tatimore, dhe kjo shton ai, do të shmangë evazionin tatimor.
Ndryshe, drejtoresha e Drejtorisë për të Ardhura Publike, Sanja Lukarevskam, duke arsyetuar ndryshimet ligjore, i ka siguruar qytetarët se nuk ka fare hapësirë për keqpërdorim të të dhënave nga llogaritë bankare që i posedojnë, ngase siç ka thënë, “në mënyrë të përpiktë është definuar se cilat të dhëna bankat duhet t’i dorëzojnë te Drejtoria e të Ardhurave Publike”.
Të ngjashme
Të tjera nga Maqedonia
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?