Maqedonia
Maqedoni: Taravari, para vendimit nëse do ta drejtojë Ministrinë e Shëndetësisë
![](https://www.albinfo.at/wp-content/uploads/2019/07/2222arben-taravari-1-800x445-587x327.jpg)
Përfaqësuesit e koalicionit “VLEN” nisën t’i konfirmojnë shkrimet në media për ndarjen e resorëve në Qeverinë e ardhshme. Sipas informacioneve jozyrtare, koalicioni “VLEN” do të udhëheqë gjashtë ministri – për ekonominë, mjedisin jetësor, shëndetësinë, për sistemin politik, punën dhe politikë sociale, si dhe do të ketë edhe ministër pa resor. Pjesë e negociatave është edhe Sekretariati për Çështjet Evropiane. Në një prononcim për Alsat, Arben Taravari nga “VLEN-i” thotë se shumica e shkrimeve janë të vërteta, por ia lë mandatarit të ardhshëm që ta shpallë zyrtarisht përbërjen e Qeverisë së ardhshme. Ai bën të ditur se së shpejti do të vendosë nëse do ta drejtojë Ministrinë e Shëndetësisë.
“Ende nuk kam një vendim definitiv, është rrotulluar dhe është e vërtetë se ka pasur ofertë që të jem ministër i Shëndetësisë, por unë ende jam duke zhvilluar bisedime me strukturat partiake, por edhe me njerëzit të cilët i kam në komunë, me të cilët kemi bashkëvepruar, por gjithashtu edhe me njerëz të rëndësishëm që gjithnjë na kanë ndihmuar në proceset zgjedhore komunale në Gostivar. Kështuqë nuk kam një vendim definitiv, do ta mendoj mirë dhe besoj se për dy tre ditë do ta sjell vendimin definitiv, ku planifikoj të vazhdoj”, tha Arben Taravari – Koalicioni “VLEN”.
Jozyrtarisht pjesë e marrëveshjes është edhe pozita e kryetarit të Kuvendit, pozitë që me gjasë do t’i takojë Afrim Gashit. “VLEN” do të ketë edhe pesë zëvendësministra, në Ministrinë e Bujqësisë, Kulturës, Arsimit, Mbrojtjes, Transportit dhe Lidhjeve, si dhe në Ministrinë e Punëve të Brendshme. Koalicioni do të propozojë gjithashtu pesë sekretarë shtetëror.
“Unë s’dua ta them pa mos u bërë publike prej mandatarit mendoj se nuk është e ndershme. Besoj se e keni parë nëpër shumë medium janë rrotulluar ministritë e caktuara, pozicionet e caktuara, flas për eshallonin e parë dhe të dytë dhe mund të them me plot përgjegjësi, se shumica e atyre informatave, janë me siguri informata të brifuara prej partive politike, mund edhe të vlenit edhe të VMRO-DPMNE-së. Domethënë mund të them se 90 për qind të pozicioneve janë ato që është shkruar“, shtoi Arben Taravari – Koalicioni “Vlen”.
Ndërkohë, VMRO-DPMNE ka vazhduar negociatat për përbërjen e Qeverisë së ardhshme me partinë e Maksim Dimitrievskit. Mbrëmë vonë Lëvizja “ZNAM” njoftoi se përfaqësuesit e dy partive kanë mbajtur takim ku janë diskutuar objektivat strategjike, parimet politike dhe platforma politike për bashkëpunim. Sot VMRO-DPMNE nuk ndau detaje për ndarjen e mundshme të resorëve dhe për kërkesat e “ZNAM”.
“Nuk ka ende marrëveshje përfundimtare. Ajo që mund të shpalos është se bisedat po zhvillohen në frymë pozitive”, tha Naum Stoilkovski – zëdhënës i VMRO-DPMNE-së.
VMRO-DPMNE, Koalicioni “Vlen” dhe Lëvizja “ZNAM” pritet të arrijnë marrëveshje përfundimtare deri të martën, kur është caktuar seanca konstituive e Kuvendit. Qeveria e re pritet të formohet deri më 20 qershor.
E-Diaspora
-
Lidhja e Mjekëve Shqiptarë në Zvicër ngushëllon familjen Dalipi "Komuniteti mjekësor në Zvicër humbi sot papritmas kolegun e nderuar, doajenin e psikiatrisë dhe psikoterapisë Dr.med....
-
Ndahet nga jeta psikiatri, Dr. med Sami Dalipi
-
Shënohet Dita ndërkombëtare e remitencave, Kosova ka rritje ndër vite
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë