Maqedoni: Regjistrimi pritet të anulohet për në shtator

Keystone EPA/GEORGI LICOVSKI

Lideri i VMRO-DPMNE-së, Hristijan Mickoski, pas takimit me kryeministrin Zoran Zaev tha se kanë rënë dakord  që procesi i regjistrimit të anulohet për në shtator, transmeton Alsat.

Sipas marrëveshjes, regjistrimi në terren pritet të realizohet nga 5 deri në 30 shtator, ndërsa aplikacioni për regjistrimin e diasporës mbetet aktiv deri atëherë. Ndërsa sa u përket zgjedhjeve lokale, planifikohet që të njëjtat të mbahen në gjysmën e dytë të tetorit.

Në takimin e sotëm është biseduar edhe për ndryshime në Kodit Zgjedhor. Grupet e punës për Kodin Zgjedhor në Kuvend do të inkurajohen për të bërë ndryshimet e nevojshme për terminalet e shenjave të gishtave, për ndryshime e modelit në një njësi zgjedhore, për lista të hapura për këshilltarë komunash, për zgjedhjen e kryetarëve të komunave në një rreth zgjedhor.

“Takimi i sotëm është pozitiv dhe i suksesshëm. Kemi lënë hapësirë edhe për takime të tjera”, tha mes tjerash Hristijan Mickoski. Të inkurajohen grupet parlamentare që diskutojnë ndryshimet në modelin e zgjedhor, listat e hapura, zgjedhjen e kryetarëve të komunave në rundin e parë, si dhe implementimin e rekomandimeve të OSBE /ODIHR”, tha mes tjerash Mickoski.

Liderët kanë rënë dakord edhe për punën në Kuvend, respektivisht  VMRO-ja është dakorduar të bashkëpunojë me shumicën për ligjet që kanë të bëjnë me euro-integrimet dhe ligjet për menaxhimin e krizës me pandeminë.

“Për pjesën e zhbllokimit të ligjeve në Kuvend. Ligjet për Qendrën Klinike, për ndërtimet pa leje, për ASHAAV-MRTV, Ligji për Shtetësinë, gjashtë ligjet për pensionin, mbështetje për të gjitha ligjet që janë në agjendën evropiane, që nënkuptojnë ndihmën e popullatës. Besoj se në periudhën e ardhshme do të jemi në gjendje t’i sjellim këto ligje dhe se nuk do të kemi më bllokada të këtilla”, tha Zaev./Alsat