Maqedoni: Kredi për konsum

Qytetarët e Maqedonisë në bankat komerciale të vendit më së shumti kanë marrë kredi për konsum.

Të dhënat më të reja të Bankës Popullore të Maqedonisë (BPM) tregojnë se kreditë për konsum kanë arritur shifrën prej 850 milionë eurosh dhe krahasuar me vitin 2014, në vitin 2015 qytetarët e Maqedonisë nëpërmes kartelave kreditore kanë kryer transaksione bankare në vlerë prej 200 milionë eurosh.

Kjo ka bërë që borxhi i përgjithshëm i qytetarëve dhe firmave në Maqedoni përfundimisht në muajin janar të vitit 2016 të arrijë vlerën prej 4.55 miliardë eurosh, apo brenda një viti të kemi rritje të kredive të konsumit për 400 milionë euro, raportojnë mediat në Shkup, përcejell albinfo.ch.

Për njohësit e çështjeve ekonomike, janë tepër shqetësuese të dhënat e BPM-së kur kemi parasysh strukturën e qytetarëve, të cilët janë futur në borxhe te bankat e vendit.