Maqedonia
Maqedonasit, ndër të parët në botë për pirjen e duhanit
Maqedonia e Veriut është ndër dhjetë vendet e para në botë sipas prevalencës së pirjes së duhanit dhe numrit total të cigareve të tymosura në ditë për duhanpirës.
Një hulumtim i grupit të ekspertëve “Analytica” ka treguar se prevalenca e pirjes së duhanit në vend është 48,4 për qind, krahasuar me mesataren evropiane prej 29 për qind.
Analizat kanë treguar se pothuajse gjysma e të rriturve në Maqedoninë e Veriut janë përdorues të duhanit.
Prevalenca e duhanpirjes te meshkujt është 57,9 për qind dhe 39 për qind te femrat.
“Prevalenca e pirjes së duhanit rritet sipas moshës, duke arritur kulmin e saj në grupmoshën 45-54 vjeç (60,1 për qind)”, tha Tamara Mikoviq Spasova nga “Analytica”.
“Maqedonia e Veriut është në krye të rajonit për konsumin e cigareve të lira, dhe nuk është bërë shumë përpjekje për të kapërcyer problemin e duhanit, duke përfshirë legjislacionn, rritjen e taksave të akcizës apo fushata ndërgjegjësimi për publikun”, sipas hulumtimit, të kryer në bashkëpunim me Universitetin e Illinoisit.
Të dhënat tregojnë se çmimi mesatar i një pakete duhani në Maqedoninë e Veriut është 1,7 euro, më i ulët se mesatarja prej 2,1 euro në rajonin e Evropës Juglindore, ndërsa mesatarja evropiane është 4,9 euro.
Taksimi i duhanit është një nga mjetet më efikase për të reduktuar konsumin që do të rezultojë në një rritje të lartë të të ardhurave buxhetore.
Shkalla më e madhe e ekspozimit ndaj pirjes pasive të duhanit mund të gjendet në bare dhe klube nate (73,6 për qind) dhe restorante (44,2 për qind).
Pothuajse të gjithë duhanpirësit, (97 për qind) konfirmojnë se u është thënë, të paktën një herë, se pirja e duhanit është e dëmshme për personat e tjerë.
Për sa i përket moshës, të rinjtë janë më të ekspozuar ndaj tymit të duhanit në lokale dhe klubet e natës (83,8 për qind)./MIA
Të tjera nga Maqedonia
E-Diaspora
-
Arrestohen këngëtarët shqiptarë në një “Bajram party”, në Zvicër Bastisjen e ka konfirmuar edhe Policia Kantonale e Cyrihut. Sipas zëdhënësit Roger Bonetti, janë arrestuar gjithsej...
-
Shtetasja zvicerane arrestohet në Viti për shkak të kërcënimeve
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri