Lajme

Lufthansa në grevë, anulohen mbi 1 mijë fluturime

E mërkurë, 27 Korrik 2022 - 15:00 albinfo.ch

Kompania e fluturimeve “Lufthansa” ka njoftuar se sot anuloi pothuajse të gjitha fluturimet e saj për në Gjermani, për shkak të grevës, sipas një njoftimi të linjës ajrore, njofton albinfo.ch.

Më shumë se 130,000 pasagjerë në afro 1,000 fluturime nga dy qendrat kryesore të Frankfurtit dhe Mynihut janë prekur nga ky vendim, tha kompania gjermane një ditë pasi sindikata Verdi njoftoi një tjetër grevë.

Sindikata para disa ditësh ka lajmëruar një grevë nga ora 03.45 të mërkurën deri në orën 06:00 të mëngjesit të së enjtes për të “rritur presionin” ndaj menaxhmentit, ndërsa kërkon një rritje pagash prej 9.5%.

Greva do të përfshijë stafin, kryesisht shërbimet e mirëmbajtjes, por edhe operatorët e avionëve, të cilët janë thelbësorë për mbarëvajtjen e aeroportit.

Kështu, Lufthansa do të duhet të anulojë gjithsej 678 fluturime për në Frankfurt dhe 345 për në Mynih, duke përfshirë 47 edhe dje për dy qendrat kryesore në Gjermani.

 

 Të tjera nga Lajme

Mediumi argjentinas: Granit Xhaka është simbol i historisë, identitetit dhe lidershipit të Zvicrës

 E-Diaspora

 Jeta në Austri