Lidhja e Mjekëve Shqiptarë në Zvicër ngushëllon familjen Dalipi

"Komuniteti mjekësor në Zvicër humbi sot papritmas kolegun e nderuar, doajenin e psikiatrisë dhe psikoterapisë Dr.med. Sami Dalipin"

Dr. med. Sami Dalipi

(25.01.1962- 16.06.2024)

Lidhja e Mjekëve Shqiptarë në Zvicër ka shprehur dhimbjen e kolegëve me ndarjen nga jeta të Dr. med Sami Dalipit, psikiatër dhe psikoterapeut i vlerësuar lartë në komunitetin shqiptar të Zvicrës

“Komuniteti mjekësor në Zvicër humbi sot papritmas kolegun e nderuar, doajenin e psikiatrisë dhe psikoterapisë Dr.med. Sami Dalipin”.

Dr Samiu, arkitekti i mendjes dhe shpirtit njerëzor, ishte fanari që shoqëroi shumë njerëz në rrugën e tyre drejt mjekimit. Me aftësitë e tij të rralla bashkoi copat e thyera të shpirtrave të shumë pacientëve e sidomos pacientëve shqiptarë, të cilëve iu shërbeu me përkushtim të lartë e me profesionalitet të rrallë”,  thuhet në letrën që LMSHZ i ka drejtuar familjes Dalipi dhe opinionit të gjerë.

Vepra dhe kontributi i tij shkencor do të mbesin të pashlyera si në analet e mjekësisë shqiptare në Zvicër, poashtu edhe në shkencën mbarëshqiptare.

Ne shprehim ngushëllimet tona më të sinqerta dhe ndajmë dhimbjen e thellë me familjen e tij, miqtë, kolegët dhe të gjithë ata që e deshën dhe e respektuan Dr. Samiun.

Pusho në Paqe Dr. Sami. Qoftë i paharruar kujtimi për ty!

 Nga: Lidhja e Mjekëve Shqiptarë në Zvicër

---