Lajme
Lavrov akuzon NATO-n dhe Evropën për nxitje të tensioneve
Ministri i Jashtëm rus, Sergei Lavrov, ka akuzuar NATO-n dhe Evropën se po nxit tensione në kontinent, teksa u ka bërë thirrje liderëve botërorë që të “heqin dorë nga kërcënimi fantom rus”.
Lavrov i bëri këto komente në Konferencën për Siguri në Mynih, ku nuk përmendi fare krizën në Ukrainë, ku për pothuajse gjashtë vjet po zhvillohen luftime ndërmjet forcave ukrainase dhe luftëtarëve të mbështetur nga Rusia.
Lufta në lindje të Ukrainës dhe aneksimi i Krimesë nga Rusia kanë bërë që shtetet perëndimore të vendosin sanksione ndaj Moskës. Po ashtu, Rusia është përjashtuar nga Këshilli i Evropës, si pasojë e aneksimit të gadishullit ukrainas të Krimesë.
Lavrov sugjeroi se NATO duhet të fajësohet për tensionet me Rusinë, përfshirë këtu rritjen e prezencës viteve të fundit të ushtrive perëndimore në shtetet e Baltikut dhe Poloni.
“Kriza e besimit veçanërisht ndihet në çështjet evropiane. Nxitja e tensioneve, përparimi i infrastrukturës ushtarake të NATO-s në Lindje, ushtrimet ushtarake në një shkallë të pashembullt në afërsi të kufijve të Rusisë, rritja e buxheteve të mbrojtjes përtej çdo mase, të gjitha këto gjenerojnë pasiguri”, tha Lavrov.
“Përpara se të mos jetë vonë, ju të gjithë duhet të hiqni dorë nga kërcënimi fantom rus… kujtoni çfarë na bashkon”, shtoi ai.
Vitin e kaluar, Këshilli i Evropës votoi pro kthimit të pjesëmarrjes së Rusisë në këtë organizatë. Më herët gjatë ditës, presidenti ukrainas, Volodymyr Zelenskiy, bëri thirrje që shteti i tij të vazhdohet të ndihmohet nga shtetet evropiane në luftën kundër Rusisë, përcjell Albinfo.ch.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri