Kuzhina shqiptare

Lakror misri me spinaq

lakror misriPërbërësit:

• 1 kg miell misri,
• 1 l ujë,
• 2 lugë gjelle kripë,
• 250 gr gjalpë,
• 1 kg spinaq,
• 1kg kos,
• 1 vezë.

Përgatitja:

Në një tenxhere e vlojmë ujin me kripë dhe 100 gramë gjalpë. E largojmë tenxheren nga zjarri, e hedhim miellin e misrit duke e përzier vazhdimisht dhe brumin e fituar dhe e lëmë të ftohet. Spinaqin e pastruar dhe të grirë e ndrydhim me një lugë kripë, ia shtojmë një vezë, disa lugë kos dhe ashtu e bëjmë gati për lakror.
Gjysmën e brumit e shtrojmë në tepsi të lyer me yndyrë, hedhim disa lugë gjalpë të shkrirë, e hedhim spinaqin e përgatitur dhe mbi të e shtrojmë gjysmën e mbetur të brumit. Para se ta fusim në furrë të nxehur mirë, lakrorin e spërkasim me yndyrë dhe e pjekim afër një orë në temperaturë maksimale.
Lakrorin e skuqur e nxjerrim nga furra, ia hedhim kosin dhe e kthejmë në furrë të ndalur për 10 min.

Ju bëftë mirë!


LAJME INTERESANTE NGA INTERNETI