Tematike
Kush ka mbi 100 mijë franga, nuk do të marrë ndihma plotësuese nga shteti
Parlamenti ka bërë të ditur kufirin deri në të cilin mund të pretendohen përfitimet suplementare (EL). Ajo është, pronësia deri në 100 mijë franga. Këtu nuk llogaritet shtëpia ose banesa në të cilën personi është duke jetuar
Dhoma Nacionale dhe ajo e Kantoneve kanë arritur sot pajtimin lidhur me reformën e përfitimeve suplementare (ndihmave plotësuese), shkruan srf.ch.
Siç ndodh zakonisht, të dyja dhomat është dashur që në Konferencën e Unifikimit të bënin kompromise në pika të cakuara. Dhoma Nacionale ka pasur sukses në përcaktimin e saj rreth pragut të pasurisë, pas kalimit të të cilit shuhet e drejta për të kërkuar përfitim suplementar, transmeton albinfo.ch. Kështu, personat që zotërojnë pasuri private prej më shumë se 100 mijë frangash, në të ardhmen nuk do të kenë të drejtë të marrin përfitime të tilla. Ndërsa për çiftet, pragu i pasurisë është 200 mijë franga.
Pasuria në formë të banesës private në të cilën personi është duke banuar, nuk do të llogaritet në pragun e përmendur. Por pronësia mbi banesën i nënshtrohet rregullave të zakonshme për përllogaritjen e Përfitimeve Suplementare (EL) dhe do të llogaritet atje si pronësi, përcjell albinfo.ch. Në rast se trashëgimia e një përfituesi nga EL tejkalon shumën prej 40 mijë frangash, EL megjithatë duhet të kthehet mbrapsht.
Por në lidhje me asetet ende të diskutueshme pasurore për përllogaritjen e EL, ka fituar qëndrimi i Dhomës së Kantoneve. Kështu, mbi bazë të qëndrimit të saj, është vendosur që kjo shumë të ulet në 30 mijë franga për individët dhe 50 mijë franga për çiftet e martuara. Dhoma Nacionale mendonte t`i ulte ato në 25.000 përkatësisht 40.000 franga.
Propozimi i Konferencës Unifikuese ka siguruar 453 milionë franga kursime sa u përket përfitimeve suplemnetare. Pjesa prej 146 milionë frangave do të kursehet përmes llogaritjes së pragut pasuror, ka thënë zëdhënësja e komisionit, Ruth Humbel, transmeton albinfo.ch. Sipas saj, “masat e kursimit nuk godasin njerëzit, ekzistenca e të cilëve varet nga përfitimet suplementare (EL).
Projektligji është tashmë i gatshëm për votimin përfundimtar. Ende nuk është e qartë nëse do të ketë referendum kundër reformës së EL. Para një viti, ishte ngritur një aleancë e përbërë nga sindikatat, organizatat e personave me nevoja të veçanta, ato të grave dhe organizatat e pensionistëve e cila synonte pengimin e planeve për kursim (reformën e EL).
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?