Kush është deputetja më e votuar, me mbi 150 mijë vota

Jacqueline Badran, https://www.sp-ps.ch/person/jacqueline-badran/

Këshilltarja Kombëtare e PS-së së Cyrihut, Jacqueline Badran, ka marrë qartësisht më së shumi vota në zgjehdjet që u mbajtën dje, gjithsej 150,529.

“Faleminderit, faleminderit për 150.529 votat në Këshillin Kombëtar dhe besimin e pamasë. Jam e lumtur dhe ndihem e nderuar”, shkroi ajo në rrjetin e saj social Twitter, tash X.

Ajo u zgjodh edhe për një mandat të Këshilltares Kombëtare nga Cyrihu dhe është nënkryetare e PS në Zvicër.

Prioritetet e saj politike janë ekonomia dhe financat, politikat e mjedisit dhe ruajtjes së natyrës, tokës dhe pasurive të paluajtshme. Ajo në mandatin e kaluar ishte pjesë e Komisionit për politikë të jashtme dhe Komisionit për ekonomi dhe taksa, shkruan albinfo.ch.

Badran u zgjodh për herë të parë në Këshillin Kombëtar në vitin 2011.