Kundërshtojnë fashizmin me futboll

Një ekip futbolli i vogël i sapoformuar, në nivelet më të ulëta të futbollit anglez, ka tërhequr vëmendje ndërkombëtare, pasi zbuluan fanellat e klubit, të inspiruar nga beteja e gjatë kundër nacionalistëve në luftën civile spanjolle.

Fanellat u bënë hit në internet. Klubi i futbollit nga Londra lindore, Clapton CFC, është vetëm disa muaj i vjetër, por ka pranuar më shumë se 5 mijë kërkesa për fanella, me ngjyrat e forcave republikane që luftuan kundër gjeneralit Franco para 80 vjetësh, përcjell albinfo.ch.

“Kurrë nuk kemi pritur kaq shumë vëmendje të njerëzve e medieve”, tha trajneri i klubit, Geoff Ocran, pas lojës së parë të sezonit.

Për më tepër, klubi priste të shiste vetëm rreth 250 fanella, komentoi ai.  Fanella me ngjyrë të kuqe të verdhë e vjollcë, është e mbuluar me 3 yje, ndryshe simbol i Brigadës ndërkombëtare që kishte shkuar në Spanjë për të luftuar dhe përmban sloganin “No Pasaran”, slogan ky antifashist, që do të thotë: “Nuk do të kalojnë”.