Kthehet në atdhe, ekipi shpëtimtar zviceran

Kishte probleme për sigurimin e vendeve në aeroplan sepse kishte edhe qytetarë të tjerë zviceranë që donin të fluturonin

Sot pasdite (e shtunë) pritet kthimi nga Japonia në Zvicër i ekipit të shpëtimtarëve që kishte shkuar atje rreth një javë më parë.

23 anëtarë të ekipit, së bashku me qenët gjurmues kanë fluturuar nga baza ushtarake Misawa, në veri të Japonisë, në drejtim të Aeroportit të Mançesterit, në Britaninë e Madhe.

Mediet zvicerane njoftojnë se me rastin e nisjes së aeroplanit në fjalë, kishte probleme në lidhje me sigurimin e vendeve në aeroplan. Kjo për faktin se kishte edhe qytetarë tjerë zviceranë që ndodheshin në japoni dhe donin të ktheheshin në Zvicër.

Që tu krijohej mundësia e fluturimit të gjithë qenve të ekipit, shpëtimtarët lanë mbrapa, në Japoni, bagazhin e tyre.

Ndërkohë, siç njofton Kompania Ajrore Zvicerane Swiss, për ata që kanë dëshiruar të flutuironin nga Tokioja, ka pasur vende të mjaftueshme në aeroplanët e tyre.