Kryeministri kosovar nuk u nënshtrohet presioneve për taksën  

Kryeministri i Kosovës, Ramush Haradinaj, ka ripërsëritur se taksa ndaj Serbisë nuk do të largohet deri në njohjen e Kosovës nga Serbia. 

Ka thënë se të gjithë ata që po i interpretojnë vendimet e Qeverisë së Kosovës kundër Amerikës, e kanë gabim, ngase, sipas tij, taksa nuk është vendosur kundër Amerikës, por kundër Rusisë. 

Ndaj qeverisë së udhëhequr nga Haradinaj janë shtuar presionet ndërkombëtare nga SHBA-ja dhe Bashkimi Evropian për suspendimin e taksës. Suspendimin  për 120 ditë e ka kërkuar edhe partneri i tij në koalicion, kreu i Kuvendit, Kadri Veseli.