KQZ refuzon 87 aplikacione nga diaspora, aprovon 1208

KQZ- ja ka sqaruar se sipas të dhënave nga shërbimi votues, deri më 22 korrik janë pranuar 1 295 aplikacione për t’u regjistruar si votues jashtë Kosovës, prej të cilave janë aprovuar 1 208, ndërsa 87 të tjera jo, pasi nuk kanë plotësuar kriteret juridike.

Komisioni Qendror i Zgjedhjeve po mban mbledhjen. Në mungesë të kryetarit Kreshnik Radoniqi, kryesimin e mbledhjes po e udhëheq Alim Rama.

Aty u bë e ditur se KQZ ka aprovuar 1208 aplikacione për regjistrimin e diasporës për të votuar në zgjedhjet lokale.

Sipas kryeshefit të sekretariatit të KQZ-së, Burim Ahmetaj, interesimi më i madh për t’u regjistruar është nga Gjermania.

Mbledhja e KQZ-së është duke vazhduar.