Kosovë: Vdes shtetasja argjentinase, arrestohet i dyshuari shtetas zviceran

Një shtetase argjentinase dyshohet se është vrarë në Fushë-Kosovë mëngjesin e hershëm të së mërkurës. I dyshuar është një shtetas zviceran i cili është arrestuar.

“Viktima ishte duke qëndruar së bashku me një shtetas zviceran, i cili edhe dyshohet për vrasjen e saj. Shtetasja argjentinase kishte rënë nga lartësia e një objekti”, thuhet në njoftimin e policisë.

I dyshuari është në mbajtje, përcjell albinfo.ch.

“Nga QKUK-ja është raportuar se ka ndërruar jeta viktima femër shtetase e Argjentinës si pasojë e lëndimeve të marra, që dyshohet se ka rënë nga një lartësi e objektit ku ka qenë duke qëndruar së bashku me te dyshuarin mashkull shtetas zviceran. Me vendim të prokurorit kujdestar, trupi i pa jetë i viktimës është dërguar në IML për obduksion, ndërsa i dyshuari është arrestuar dhe dërguar në mbajtje. Rasti ne procedure hetimore”, thuhet në njoftim.