Kosovë: Qeveria ka ekzekutuar shtesat prej 100 eurosh për fëmijë dhe pensionistë

@unsplash

Ministri në detyrë i Financave, Hekuran Murati, ka bërë të ditur se është përfunduar ekzekutimi i shtesës së njëhershme prej 100 euro për fëmijët dhe pensionistët.

Sipas njoftimit zyrtar, sot është realizuar transferimi i shumës prej 100 eurosh për fëmijët e moshës 0–16 vjeç, si dhe për përfituesit e pensioneve bazike dhe kontributive. Po ashtu, kjo shtesë u ndahet edhe kategorive të luftës, personave me aftësi të kufizuara dhe përfituesve të skemave të tjera, në përputhje me kriteret e përcaktuara në vendim, transmeton albinfo.ch.

Murati theksoi se, varësisht nga banka ku përfituesit posedojnë llogaritë e tyre, mjetet financiare do të reflektohen gjatë orëve në vijim.

Në fund të njoftimit, ai ka uruar qytetarët me rastin e festave të fundvitit, duke ju dëshiruar Vitin e Ri.