Kosova

100 mijë vaksina nga COVAX-i arrijnë në Kosovë në fund të shkurtit

E mërkurë, 3 Shkurt 2021 - 16:45 albinfo.ch
Keystone 2020

Në fund të muajit shkurt Kosova do të marrë 100 mijë vaksina nga skema e njohur si “COVAX”, është bërë e ditur nga një njoftim i fundit nga vetë ky program.

Siç thuhet në listën e publikuar sot, në Kosovë do të vijnë 100 mijë e 800 doza të vaksinës së “AstraZenecas”.

Efikasiteti i kësaj vaksine kalon 90 përqindëshin. Vaksina jepet në dy doza.

Në një studim të fundit të kryer në Britaninë e Madhe, sekretari i Shëndetësisë në këtë shtet ka thënë se rezultatet e kësaj vaksine janë “të shkëlqyeshme”. Njoftimi erdhi pak pasi disa shtete të Bashkimit Evropian vendosën se nuk do ta shpërndajnë vaksinën për më të moshuar se 65-vjeçarët. Shtetet e morën këtë vendim duke iu referuar mungesës së të dhënave të efikasitetit te të moshuarit.

Në janar, Qeveria Hoti kishte thënë se ka siguruar 500 mijë doza të vaksinës së “Pfizerit”, shkruajnë mediat kosovare, përcjell albinfo.ch.

 Të ngjashme

Si rekrutohet stafi infermieror nga Kosova, në Bavari

 Të tjera nga Kosova

Osmani: Diaspora më e angazhuar për Kosovën se për vendet ku jeton

 E-Diaspora

 Jeta në Austri