Kosovari zgjedhet Inovatori i Vitit 2020 në SHBA nga gazeta prestigjioze e biznesit

I përkushtuar që refugjatëve t'u jap një shans, sepse një e tillë i’u dha vet atij nga amerikanet, kështu Shkëlqim Kelmendi është bërë një storie suksesi në SHBA

Është bërë e ditur se kosovari, Shkëlqim Kelmendi, i cili ka lindur në qytetin e Pejës dhe më pas ka emigruar në Shtetet e Bashkuara prej vitesh, është zgjedhur zyrtarisht si një Inovator i Vitit 2020 nga Gazeta prestigjioze e Biznesit “Puget Sound” për punën në Konektorin e Strehimit, raporton albinfo.ch.

Lajmin e ka bërë të ditur vet Kelmendi, duke u shprehur se është i nderuar për këtë përzgedhje.

“Jam shumë i nderuar që jam përzgjedhur si inovator i vitit 2020 nga Puget Sound Business Journal për ndikimin që ka bërë Housing Connector në komunitetin tone, tha ai.

Shkëlqim Kelmendi, është drejtor ekzekutiv i Lidhësit të Strehimit, për të ndihmuar njerëzit në Qarkun King që kanë nevojë për strehim, duke ndryshuar cilësinë jetës së tyre dhe punon në Bankën e Rezervave Federale në Dallas të SHBA-së, ndërkohë është aktiv në organizime të ndryshme që bënë komuniteti shqiptar në Amerikë, shkruan albinfo.ch.

Shkëlqim Kelmendi ka emigruar në SHBA në vitin 1999-të, gjatë luftës që po zhvllohej në Kosovë, ku familja e tij ishte e detyruar të emigronin atje, shkaku i luftës.

Vite më pare ai kishte treguar se emigrimi ishte një shans që të rritemi në një komunitet të sigurt me mundësi për arsimim të mirë si dhe të përjetonim ndjenjën e lirisë. Ai ka treguar se së pari shkuan në Dallas pa ditur fare gjuhën angleze duke u përballur vazhdimisht me vështirësi. Por në vitin 1999-të, komuniteti i Dallas-it u bashkua për t’u ndihmuar të integroheshin në shoqëri. Ata i trajtuan me respekt dhe dinjitet, diçka të cilën nuk ishim mësuar ta shihnim në vitet e luftës. Gjithashtu ata i dhanë shpresë për një jetë më e mirë.

Realisht ky ishte edhe inspirimi i tij që tani është i përkushtuar që refugjatëve tua jap një shans, sepse një e tillë i’u dha vet atij, kështu duke u bërë një storie suksesi. /Albinfo.ch.

---