Kosova edhe këtë vit  më shumë importoi se sa eksportoi

Të hyrat nga mallrat e sjella në Kosovë, janë 3.4 miliardë euro derisa ato të shitura jashtë vendit kapin vlerën e 434 miliona eurove

Importi i duhanit, naftës dhe mjeteve motorike ka bërë që Dogana e Kosovës të ketë rritje të të hyrave nga importi prej 8 për qind për dallim nga viti i kaluar. 330 milionë ka inkasuar shteti nga duhani, 160 milionë nga nafta dhe 85 milionë nga mjetet motorike.

Drejtori i Doganës, Bahri Berisha, në konferencëne fudnvitit  ka thënë se këtë vit në total të hyrat janë mbi 1 miliard e 100 milionë euro apo 65 milionë euro më shumë se sa vitin e kaluar.

Edhe këtë vit Kosova vazhdon të importojë më shumë se sa të eksportojë ku të hyrat nga mallrat e sjella në Kosovë, janë 3.4 miliardë euro derisa ato të shitura jashtë vendit kapin vlerën e 434 miliona eurove, që megjithatë sipas Berishës është rritje prej 8 për qind, e në të cilën kanë ndikuar lehtësirat që kanë përfituar bizneset e vendit nga MSA-ja.

Këtë vit ka pasur 200 ankesa më pak se sa vitin e kaluar.