Lajme
Konsullata në Cyrih shënon 8 marsin me gratë e suksesshme shqiptare në Zvicër
Në të njëjtin aktivitet u bë edhe promovimi i romanit ‘’Barrë dhe Bekim’’, i shkrimtares së re, Shqipe Sylejmani, e cila është vlerësuar lartë për këtë roman edhe në Zvicër
Pilote, shkencëtare në fushën e mjekësisë, juriste, doganiere, psikologe, deputete, dizajnere e shkrimtare, ishin vetëm disa nga profesionet e grave dhe vajzave të suksesshme shqiptare nga Kosova në Konfederatën e Zvicrës, të cilat u bënë bashkë të dielën në ambientet e Konsullatës së Republikës së Kosovës në Cyrih për të shënuar, 8 marsin – Ditën e Gruas.
Në të njëjtin aktivitet u bë edhe promovimi i romanit ‘’Barrë dhe Bekim’’, i shkrimtares së re, Shqipe Sylejmani, e cila është vlerësuar lartë për këtë roman edhe në Zvicër, shkruan albinfo.ch. Të pranishmet në këtë aktivitet fillimisht u përshëndetën nga Udhëheqësi i Konsullatës së Republikës së Kosovës në Cyrih, z. Sami Kastrati, i cili i dëshiroi mirëseardhje dhe i përgëzoi për storiet e tyre të suksesit në Zvicër.
‘’Fuqizimi dhe pjesëmarrja e gruas në politikë dhe vendimmarrje pothuajse në të gjitha fushat po bëhet gjithnjë e më i madh. Fakti se Republika e Kosovës udhëhiqet nga një Presidente grua, nga një Zëvendës-Kryeministre dhe Ministre e Punëve të Jashtme dhe Diasporës grua dhe rreth 30 për qind e Kabinetit aktual qeveritar janë gra flet shumë. Ne, mburremi edhe me storiet tuaja të suksesit në Zvicër, që tashmë po i shënoni në të gjitha fushat’’, ka thënë Udhëheqësi i Konsullatës, Kastrati.
Një fjalim përshëndetës para të pranishmëve e mbajti edhe Zëvendësja e Konsullatës së Kosovës në Cyrih, znj. Shukrije Ramadani, e cila më pas edhe e moderoi debatin. Ky aktivitet nisi me një minutë heshtje për nder të njëzet e katër vjetorit të Epopesë së Ushtrisë Çlirimtare të Kosovës, ndërsa më pas një vëmendje e rëndësishme iu kushtua edhe Ditës së Mësuesit, respektivisht rolit dhe kontributit të tyre mbi mësimin e gjuhës shqipe në mërgatë.
Në fund, të pranishmet kanë shprehur edhe solidarizimin me gratë në shtetin e Ukrainës, të cilët po përjetojnë luftën e egër dhe brutale të ushtruar nga agresioni ushtarak/pushtimit nga shteti i Rusisë.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl