Komuna në Maqedoni u hap dyert mërgimtarëve të Zvicrës për investime

Kryetari aktual dhe njëherësh kandidat për kryetar komune në Zhelinë, Fatmir Izairi ka qëndruar në Zvicër, ku ka bashkëbiseduar me mërgimtarët që jetojnë dhe veprojnë në këtë shtet.

Ai ju ka garantuar mërgimtarëve se dera e komunës së Zhelinës është e hapur gjithmonë për ata për të investuar në vendlindjen e tyre, shkruan “Tetova Sot”.

Mërgimtarët e kanë siguruar se mbështetja do të vazhdojë edhe në të ardhmen për të pasur një komunë sa më të fuqishme në zhvillimin ekonomik, përcjell albinfo.ch.

Zhelina është një ndër komunat e para në Maqedoni, që ka dhënë leje ndërtimi për fabrika.

Gjithashtu mërgimtarët më 15 tetor kanë premtuar se do të vijnë për të dhënë edhe mbështetjen direkte Izairit, ku së bashku do të ndërtohen ura bashkëpunimi mes bizneseve të vendit dhe bizneseve ndërkombëtare.