Kompanitë zvicerane nuk i duan punëtorët duhanpirës

Keystone

Disa kompani kërkojnë që në aplikacionet për punësim, punërkërkuesit të jenë joduhanpirës. Sindikata “Unia” kritikon shpalljet e tilla për punë.

Kushdo që kërkon punë, duhet të sjellë në profilin e tij dëshmi për shkathtësitë gjuhësore dhe kompjuterike ose përvojë shumëvjeçare në këtë fushë. Disa kompani tani listojnë në profilin e tyre të kërkesave që aplikantët duhet të jenë joduhanpirës.  «FM1Today» ka publikuar  disa nga shpalljet për punë të disa kompanive që vetëm joduhanpirësit mund të aplikojnë për punë, shkruan albinfo.ch.

Sindikata “Unia” kritikon shpalljet e tilla për punë, të cilat kërkojnë punëtorë që nuk tymosin. Siç shkruan “FM1Today”, zëdhënësi i Unia thotë se është çështje private nëse dikush pi duhan apo jo. “Sigurisht që mund të vendosni rregulla gjatë orarit të punës. Por, nëse dikush tymos duhan në pushim ose në kohë të lirë, punëdhënësit nuk i intereson», thonë në UNIA, përcjell albinfo.ch.

Nëse punëdhënësit kanë të drejtë ligjërisht të ndalojnë punonjësit e tyre nga pirja e duhanit, nuk është e qartë. Sipas ekspertëve, është ligjërisht një ‘zonë e gjelbër’.