Kosova
KMDLNj: Kosova nuk është pjesë e shtetit serb
Lidhur me referendumin KDLNj ka reaguar sot, duke theksuar se mbajtja e referendumit për ndryshime të Kushtetutës së Serbisë në territorin e Kosovës është përpjekje e Serbisë, e cila ka një të kaluar kriminale në Kosovë, që ta konsiderojë si pjesë përbërës të shtetit serb, përcjell albinfo.ch.
Sipas KMDLNj, presioni për lejim të mbajtjes së referendumit për ndryshime kushtetuese të Serbisë në Kosovë erdhi nga Joseph Borrell.
”Borrel, një politikan spanjoll që me një besnikëri patologjike po e mbron politikën e Aleksandar Vuçiqit në Serbi, duke ndërhyrë në mënyrë flagrante në punët e brendshme të një shteti të pavarur dhe sovran siç është Kosova”, thuhet në njoftim.
Për KMDLNj –në nuk ka asnjë dilemë nëse Qeveria e Kosovës duhet të përkrahet në refuzimin e mbajtjes së referendumit për ndryshime kushtetuse të Serbisë, e që rëndë e shkel sovranitetin e Kosovës dhe paraqet shqetësim të madh qëndrimi oportunist i opozitës kosovare për këtë çështje. Prandaj, sipas tyre, të gjitha partitë opozitare, pa asnjë dallim, duhet të jenë në përkrahje të Qeverisë së Kosovës, jo si individë, por si subjekte politike opozitare dhe duhet të dalin me qëndrim zyrtar.
”Qeveria e Kosovës duhet të këmbëngulë në mbrojtje të integritetit territorial dhe sovranitetit të Kosovës dhe për këtë duhet të përkrahet nga të gjithë, pavarësisht përkatësisë partiake, fuqisë politike, përkatësisë etnike, moshës, gjinisë apo statusit shoqëror. Imponimi dhe shantazhimi që po i bëhet Qeverisë së Kosovës për lejim të mbajtjes së një referendumi për ndryshime kushtetuese të një shteti tjetër, Serbisë, në një shtet tjetër, Kosovë, nuk ka të bëjë aspak me të drejtat e njeriut, por pikërisht është shkelje dhe dhunim i të drejtave të njeriut nga pozita e të fortit”, thuhet në njoftim.
E-Diaspora
-
Kroaci: Ermina Lekaj Prljaskaj nuk siguroi votat e duhura për deputete Shqiptarët mbeten pa deputet në Kroaci...
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Arrestohen këngëtarët shqiptarë në një “Bajram party”, në Zvicër
-
Shtetasja zvicerane arrestohet në Viti për shkak të kërcënimeve
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri