Emisioni i plotë mbi vizitën e grave zvicerane në Krushën e Madhe

Dy gratë nga Zvicra kanë provuar edhe punën që gratë e Krushës bëjnë në kooperativën e tyre për përpunimin e perimeve, të themeluar nga Fahrije Hoti

Mbrëmë, transmetuesi publik i Zvicrës gjermane SRF, në kuadrin e serialit dokumentar “SRF bi de Lüt” ka emetuar një emision interesant mbi Kosovën, shkruan albinfo.ch. Në të vërtetë emisioni bën fjalë për një aventurë mbresëlënëse të dy grave zvicerane nga fshati, të cilat, me iniciativën e televizionit në fjalë kanë shkruar në Kosovë, gjegjësisht në fshatin Krushë e Madhe, pa pasur më parë dijeni se ku do të shkojnë.

Në fshatin e njohur të Kosovës ato kanë qëndruar disa ditë duke bashkëjetuar me gratë e veja të Krushes së Madhe, fshatit që ka përjetuar njërën ndër masakrat më të mëdha nga serbët, gjatë luftës në Kosovë.

Dy gratë fermere zvicerane kanë provuar edhe punën që gratë e Krushës bëjnë në kooperativën e tyre për përpunimin e perimeve, të themeluar dhe udhëhequr nga Fahrije Hoti, njëra nga shumë gratë e këtij fshati, burrat e të cilëve janë masakruar dhe pastaj janë zhdukur gjatë luftës së fundit.

Ato kanë përjetuar edhe një gazmend familjar në Krushëne  Madhe, duke provuar edhe atmosferën gazmore atje.

Këtu mund ta shikoni emisionin e plotë të televizionit SRF mbi vizitën e grave zvicerane në Krushë të Madhe.

---