Lajme
Kështu u festua 17 Shkurti në Winterthur nga ansambli “Trojet”
Kanë shkëlqyer sidomos fëmijët, anëtarë të ansamblit, të cilët kanë shpalosur shpirtin e tyre artistik përmes këngëve e valleve plot sharm dhe elegancë
Më 17 Shkurt, pikërisht në ditën e 16-vjetorit të Pavarësisë së Kosovës, ansambli “Trojet” në Winterthur ka shfaqur një program të pasur artistik. Në mesin e të pranishmëve ishin edhe përfaqësues të institucioneve të Kosovës, si: z. Imri Demelezi, zv. ministër i BPZHR-së, z. Vigan Berisha, konsull i Republikës së Kosovës në Cyrih, si dhe përfaqësues nga shoqatat, krijues dhe miq të shumtë të ansamblit “Trojet”.
Në këtë manifestim madhështor fëmijët, anëtarë të ansamblit, kanë shpalosur shpirtin e tyre artistik përmes këngëve e valleve plot sharm dhe elegancë mbresëlënëse, duke pasqyruar qartas dashurinë për kombin dhe atdheun.
Me rastin e këtij eventi, respekt dhe mirënjohje për kontribut të veçantë meriton udhëheqësi artistik i ansamblit, Arsim Berisha, i cili plot elan nuk e kursen mundin dhe kohën e tij të çmuar në përgatitjen e brezit të ri, të cilët shkëlqejnë në skenë.
Mbrëmjen moderoi aktori Gani Lipa, ndërsa në emër të ansamblit të pranishmit i përshendeti kryetari Zeqë Gashi. Një historik të shkurtër për shtetin e Kosovës e lexoi nënkryetari Blerim Bunjaku, ndërsa në emër të familjeve të dëshmorëve përshëndeti Vjollca Bytyçi Shoshi.
Për muzikën është kujdesur Liridon Përvorfi, ndërsa kanë kënduar: Lirim Racaj, Mimoza Celaj, Flutur Bytyqi, Marisa Murtezi, Eliza Zeqiri.
Veçanërisht mbresëlënëse ishte hapja e programit me koreodramën “Komandant”, kushtuar komandantit legjendar Adem Jashari, luajtur nga trupa e ansamblit me Petrit Bytyqin në rolin kryesor.
Pastaj vallja premierë “Zani i Shqiponjës” me muzikë nga Agron Pllumaj, solist: baca Shaqë, lahutist dhe me koreografi nga Arsim Berisha. Edhe vallja e Pavarësisë ngjalli emocion të veçantë dhe u përcoll me ovacione të shumta nga të pranishmit. Solistë ishin aktorët Adem Kicaj dhe Qëndresa Kuqi.
Ansambli “Trojet” me këtë rast falënderon përzemërsisht edhe prindërit në kuadër të grupit punues, të cilët gjithashtu kontribuan në mbarëvajtjen e këtij manifestimi. “Me respekt të veçantë falënderojmë sponsorët për mbështetjen financiare, mediat dhe të gjithë ata që vazhdojnë të na përkrahin në misionin tanë të shenjtë”, thuhet në përmbyllje të njoftimit nga ansambli “Trojet”.
foto: ML Swiss Desing
E-Diaspora
-
Itali
Arrestohet shqiptari në Itali, kishte mbi 1 kg kokainë në makinë Raportohet se një 38-vjeçar me origjinë shqiptare është arrestuar nga agjentë të policisë së Reggio Emilia...
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
Jeta në Austri
-
A mund të paguani taksat tuaja austriake duke përdorur një llogari bankare të huaj? Nëse ende përdorni llogarinë tuaj të vjetër bankare në vendin tuaj të origjinës – ose një...
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?