Këshilli Federal nuk përfaqëson më demografinë zvicerane

Keystone - Anthony Anex

Me zgjedhjen e dy anëtarëve të rinj dje për të zëvendësuar ministrat në largim, përbërja aktuale e Këshillit Federal nuk është më kryesisht zvicerane-gjermane, gjë që është një dukuri e rrallë në Zvicër, përcjell albinfo.ch.

Shumica e popullsisë së vendit (63 për qind) jeton në kantonet gjermanishtfolëse, ndërsa frëngjisht dhe italishtfolësit përbëjnë përkatësisht 23 për qind dhe 8.2 për qind.

Megjithatë, me zgjedhjen e Elisabeth Baume-Schneider, e cila vjen nga kantoni frengjishtfolës i Jura, jogjermanisht folësit tani përbëjnë shumicën e Këshillit Federal prej shtatë anëtarësh: tre folës francezë, një folës italisht dhe “vetëm” tre gjermanishtfolës.