Kasami ka shënuar për U21 të Zvicrës

Kombëtarja U21 e Zvicrës është favorite në garët e fazës kualifikuese për Kampionatin Evropian U21. Helevetikët U21 kanë mposhtur Letoninë me rezultatin 2:0

Një fillimi i mirë për kombëtaren zvicerane U21 në kuadër të garave të fazës kualifikuese për Kampionatin Evropian U21, që do të mbahet në qershor të vitit 2015 në Çeki.

Përfaqësuesja U 21 e Zvicrës ka fituar ndeshjen e parë kundër Letonisë. Ndërsa fitoren e sollën goli i shqiptarit Pajtim Kasami në minutën e 24-të dhe i Darko Jevtiq në minutën e 36-të.

Në gjysmën e dytë, ekipi i trajnerit Pierluigi Tami ka udhëhequr me besim lojën dhe porta e tyre nuk ka qenë kurrë në rrezik nga ekipi kundërshtar.

“Në përgjithësi unë jam i kënaqur me punën e ekipit. Letonia nuk ishte një kundërshtar i lehtë. Por, fitorja ishte e merituar”, tha Tami.

Të hënën Zvicra do të takohet në ndeshjen e dytë në këtë grup kundër Lihtenshtejnit në Vaduz. Më pas për Zvicrën vijnë kundërshtarët e tjerë më të “nxehtë”, Kroacia dhe Ukraina